Mektepte, ózge ortada álimjettik kórgen bala ne isteıdi? Kimge júginedi? Oǵan ata-anasy qalaı kómektese alady? Ulttyq aýdarma bıýrosy men Bilim Foundation qory birlese otyryp daıyndaǵan «Densaýlyq jáne ómirlik daǵdylar» atty kitaptar serııasy balalar men jasóspirimder arasynda jıi kezdesetin úreı, qorqynysh, uıalý, ashýlaný, qatelesýden qorqý, depressııa, mazasyzdaný sııaqty jaǵdaılardy jeńýge, sabyrly bolýǵa, aınalasyndaǵylarmen jaqsy qarym-qatynas ornatýǵa jáne ózine degen senimdi qalyptastyrýǵa úıretedi.
Jınaqta bala men ata-ana qarym-qatynasy, bala tárbıesine qatysty ata-analar men eresekterdi alańdatýǵa tıis taqyryptar da qamtylǵan. Al ata-analarǵa, ustazdarǵa balany tyńdap, olarǵa qalaı kómektesýge bolatynyn baıandaıdy. Jobaǵa Samruk-Kazyna Trust áleýmettik jobalardy damytý qory qoldaý kórsetip otyr.
Bul toptama – 150 myńnan asa múshesi bar amerıkalyq psıhologtar qaýymdastyǵy (American Psychological Association) júrgizgen kóp jylǵy zertteýdiń nátıjesi. Kitaptar aǵylshyn tilinen qazaq jáne orys tilderine qatar aýdaryldy. Ár kitaptyń kólemi – 50-70 bet. Eń kólemdisi – 200 betteı.
Kitaptar mektepterge tegin taratylady. Sonymen birge, Almaty men Nur-Sultan qalalaryndaǵy kitap dúkenderinen satyp alýǵa bolady.
– Balalar men jasópirimder úıdegi kıkiljińdi, mekteptegi qıyndyǵyn, ýaıymyn eresekterge aıtýǵa, ony talqylaýǵa uıalady, keıbir jaǵdaıda qorqady. Oıyn ashyq aıtqysy kelse de, mańaıynda ony tyńdaıtyn nemese suraǵyna jaýap bere alatyn adam bolmaýy múmkin. Uıat dep oılaıdy, ádepsizdik dep qabyldaıdy. Árıne, mundaı jaǵdaı tek Qazaqstan balalaryna ǵana emes, álemniń ózge elderindegi balalarǵa da tán qubylys. Sondyqtan biz osy máselege mamandanǵan uıymdardy izdep taýyp, olarmen birge jumys istegendi jón kórdik. Sonyń ishinde «Amerıka psıhologtar assosıasııasy» (American Psychological Association) degen uıym bar. Olar túrli taqyryptaǵy ǵylymı zertteý nátıjesin balalarǵa yńǵaıly, yqsham etip, shaǵyn ǵana kitapqa aınaldyrǵan. Uıym balalardyń ata-anasyna, muǵalimine nemese psıhologqa aıta almaı júrgen, janyn aýyrtatyn máselesin sheshýge, qıyndyǵyn jasyrmaı, eresekterge aıtýǵa kómektesedi. Toptama osy uıym ǵalymdary júrgizgen kóp jylǵy zertteýdiń nátıjesinde qurastyrylǵan, – deıdi «Ulttyq aýdarma bıýrosy» qoǵamdyq qorynyń atqarýshy dırektory Raýan Kenjehanuly,